Elektron İstifadəçi Razılaşması 

1. Bu razılaşma http://Erizem.az veb saytında(bundan sonra Erizem.az) qeydiyyatdan keçmiş şəxs(bundan sonra İstifadəçi) müqavilənin bütün bəndlərini qəbul etmiş hesab olunur.

1.1. Müqavilənin bəndləri istənilən zaman xəbərdarlıq edilmədən Erizem.az tərəfindən dəyişdirilə, ləğv edilə və əlavələr edilə bilər.
1.2. İstifadəçi tərəfindən müqaviləyə yalnız saytda mövcud olan dəstək bölümündən(bundan sonra dəstək bölümü) müraciət göndərilməklə və hesabının silinməsi ilə xitam verilə bilər.

              Müqavilənin əsasları

2. Qeydiyyat zamanı təqdim etdiyiniz şəxsi və məxfi məlumatlar(bundan sonra şəxsi məlumatlar) üçüncü tərəf şəxslərə verilməmək şərti ilə sistemimizdə saxlanılır və gələcəkdə kompaniya və bildirişlər üçün istifadə edilə bilər.

3. Ödəniş etdikdən sonra sizə etdiyiniz ödəniş o halda qaytarıla bilər ki, sistemin təqdim etdiyi ərizə, iddia ərizəsi, vəsatət, şikayət, etiraz və müqavilə(bundan sonra hər biri ərizə sözü ilə əvəz olunacaq) müvafiq qanunvericiliyin müvafiq bəndinə əsasən məhkəmə qərardadı ilə yalnız düzgün tərtib edilməməsinə görə geri qaytarılsın və bu qərardad dəstək bölməsi vasitəsi ilə bizə göndərilsin. 

3.1. Ərizənin müvafiq qanunvericiliyin tələblərinə riayət olunmadan tərtib olunduğu aşkar edilərsə, məhkəmə qərardadı ilə ərizə geri qaytarılarsa, ödəniş geri qaytarılacaqdır. Ödənişin geri qaytarılması tələbinin son müraciət tarixi məhkəmə qərardadının tarixindən hesablanmaqla 15 gün müddətində mümkündür.

4. Erizem.az hesabınızı fraud(müxtəlif kompaniyalardan yararlanmaq üçün eyni şəxsin bir neçə dəfə qeydiyyatdan keçməsi və s) hesab olaraq aşkarladığı halda hesabınızın balansda olan istifadə edilməmiş məbləği geri qaytarmamaqla sistemdən silinməsi hüquqlarını özündə saxlayır.

4.1. Erizem.az istifadəçiyə fruad hesabla bağlı əvvəlcədən xəbərdarlıq etmək məcburiyyətində deyildir. Saxta hesab eyni şəxs tərəfindən yaradılan bir neçə hesab olaraq qəbul edilir.

5. Erizem.az sistemə daxil olarkən bütün ip məlumatlarınızı özündə saxlayır və gələcəkdə başqa ip adresdən edilən girişlərə görə, eləcə də, hesab məlumatlarının başqa şəxslərə verilməsinə və bu səbəbdən şəxsi məlumatların yayılmasına görə heç bir məsuliyyət daşımır. 

6. İstifadəçilər qeydiyyatdan keçib e-poçt ünvanına və ya mobil nömrəsinə gələn kodu sistemə daxil edərək, hesablarını təsdiqlədiyi andan elektron istifadəçi razılaşmasının bütün bəndlərini oxumuş və qəbul etmiş hesab olunur.

7. Erizem.az-da yaradılan hər bir ərizə qeydiyyatdan keçərkən qeyd erdiyiniz e-poçt ünvanına avtomatlaşdırılmış rejimdə göndərildiyi üçün İstifadəçi tərəfindən yaradılan və onun hesabında(bundan sonra şəxsi kabinet) əks olunan ərizələrin istənilən zaman öncədən xəbərdarlıq edilmədən sistemdən silinməsi hüququnu özündə saxlayır.

8. Şəxsi kabinetinizdə ərizə yaratdığınız zaman sistemin verdiyi suallara səhv cavab verməklə yaradılan səhv ərizəyə görə Erizem.az məsuliyyət daşımır. Ərizələr yaradılan zaman səhvlik edə biləcəyiniz nəzərə alınaraq ərizələrdə müvafiq sayda redaktə etmə imkanı mövcuddur. 

9. Erizem.az sistemdə heç bir halda ödəniş, bank və kart məlumatlarının(ödəniş məlumatlarının) saxlanılmamasını öz üzərinə götürür.

10. Erizem.az Şəxsi kabinetdə yaradılan ərizələrin sonradan İstifadəçinin öz iradəsi əsasında iddia tələbindən imtina etməsi, müvafiq orqana müraciət etməməsi, işin baxılmamış saxlanılması və ya ümumiyyətlə istifadə edilməməsinə görə İstifadəçi tərəfindən edilən ödənişin geri qaytarılmamasını bildirməyə haqlıdır.

11. Hesab məlumatlarının ikinci şəxslərə ötürülməsinə görə Erizem.az heç bir məsuliyyət daşımır. Sistemə daxil olarkən bütün hesablar üzrə İP-lər qeydə alınır. İstifadəçilər şəxsi məlumatları barədə hər hansı şəxsə məlumat təqdim etməməlidir.

12. Hesabın şifrəsini itirdiyiniz zaman "Şifrənin bərpası" bölməsindən şifrəni qeydiyyat olduğunuz zaman qeyd etdiyiniz nömrə ilə bərpa edə bilərsiniz. Nömrəni düzgün qeyd edin. Təhlükəsizlik baxımından nömrə əlçatan olmadıqda şifrə bərpası mümkün deyildir. Yalnız ölkə xaricində olduqda qeydiyyatda olduğunuz nömrənin WhatsApp hesabı aktiv olarsa, yeni şifrə WhatsApp üzərindən göndərilə bilər. 

13. Hazırkı Razılaşma ilə nəzərdə tutulmamış bütün başqa şərtlər və şəraitlər, ayrı fərdi qaydada tənzimlənir.

14. İstifadəçi təsdiqləyir ki, hazırkı Razılaşmanın bütün bəndləri ilə tanış edilmişdir və veb saytda qeydiyyatını tamamladığı andan onları sözsüz tam həcmdə qəbul edir.